Nanda Holan Mangan Modom

Di sada huta,adong ma sada jolma na mora.Jolma on binaen ni morana gabe apala gok ma dibaen jabuna jala tung godang hepeng disimpan.Binaen ni sipat ni arta i ba godang ma angka tano,rodi angka naposona.Jala holan mangan modom ma ibana tiap ari.
Alai dibaenni soadong ni karejonai,dung sai leleng dang nok be matana Alana holan na modom jala dang lakku be laho mangan.Sai sungkun-sungkun ma rohana Alana dang diboto ibana Alana.
Binaen ni sahitna na so boi mangan jala modom i,dijou ibana ma tahe jolma na pistar di hutai.Amani Gopal goarna.
Dung sahat ama Gopal tu jabuna,marsungkun-sungkun ma tahe namora on tu jolma na pistar on.
“Ale amani Gopal ai tung berene majo lahe sahit ho on.”Disungkun namora on ma tu amani Gopal.
“aha poang sahit mu i?”
“Na so lakku be au mangan jala dang boi be au modom.Hape i nama siulaon na uttabo di portibion.”
“Ai toho do i amang,ai mangan modom do siulaon na tumabo.Alai asa tung boi ho muse mangan modom jala modom beta ma jo hita laho tu porlak mu.”
Di suru ama Gopal ma namora on tu porlakna jala diboan ma panggu.
“Ai na laho aha siubeon ta di porlak on,ai nungnga adong parkarejongku hubaen dison.”Ima sungkun-sungkun ni na mora on.
“ombak majo porlak mu on asa tung malum sahit mu i.”Ninna amani Gopal.
Di ombak na mora on ma tahe sude porlak na i.Dung pas di arian jala di hosni ari,maradi ma tahe na moraon dohot amani Gopal laho mangan.Alai rara pe nasopola tabo siallangon na diparade disi tung apala tabo ma tahe diallang namora on binaen ni na mangombak i.
“Ai tung tabo poang Namangan on ate.”ninna namoraon.
“Ido daboa.molo hor do hodok na mangula,tng apala tabo do iba mangan.”Didok amani Gopal.
Dung sidung mangan,alani sagat na mangani,pintor modom ma tahe namora i.Tung apala tabo ma namorai modom.Dung dungo,tung apala las ma rohana Alana tung tabo ma di dai ibana na modom i.Tung mandok mauliate ma na mora on tu amani Gopal.Alana nungnga diboto ibana molo tung mora pe iba,ingkon tong do mangulahon siulon iba.Asa tabo iba mangan jala modom.

Togu Naipospos